Advent in Kirchberg

Mein Gott, ma glaubt’s net, wia die Zeit rennt,
jetzt habm ma scho wieder den ersten Advent!
Und langsam kummt Weihnachtn in die Näh,
meistens is gar kaner, ganz selt‘n z’vü Schnee.
Der Summer, der Herbst, wia kurz des erst war,
und jetzt is des Jahr scho wieder bald gar!
Aber a bissl hab’m ma ja no Zeit,
des Kekserl bachn, des verschiab‘m ma heut,
wäu i geh auf an Weihnachtsmarkt gern im Advent,
kauf ma a paar Maroni und warm ma die Händ.
Ma trifft si mit Freund, ma plaudert und lacht,
(dazwischen hab i an mei Geschenks-Listn gedacht).
Des wart’n auf’s Christkind is für die Kinder scho hart,
doch ma halt’s aus, weil ma ja vorher am Nikolaus wart.
Die Klanen die mach’n a Riesen-Trara
am Ringlgspü und mia vergunnen uns jetzt a
a Häferl Glühwein, des warmt von innen so sche,
mir bleib’m no a bissl, bevor ma hamgeh,
und durt zünd‘ ma dann die erste Kerz’n an
und genießen die Stimmung in „Kirchberg-daham“.

(Gedicht von Christine)

Einen stimmungsvollen Advent wünschen euch allen
die Organisatoren von „Kirchberg-daham“!